نعت شریف – اندیال

شعر

نعت شریف

نعت شریف

محمد مصطفی، دا زمونږ رهنما

بالا دې تر هر چا خاتم الانبیاء

د لولاک تاج پر سر، معجزې د نبي

محبوب دې د الله منور په رڼا

خالق جوړ کړې جهان په قدرت او کمال

محبت و ښکاره د رسول خدا

منل شوی حدیث د رسول مقبول

ښایسته آراسته په کردار دی پیشوا

پر حق ټینګ و ولاړ، په شهرت شو امین

په اخلاق حمیده، مودب په وینا

اسلام دین دی د راستی محبت، صداقت

میراث پاتې له ده صدق صفا

مهربان پر امت دا زموږ مربي

هم شافع هم رویدار دی په ورځ د جزا

لویه خدایه ربه! توفیق غواړم له تا

ګویان ژبه مې وي په درود، په ثنا

پوهیار ویاړي مدام په نامه د نبي

افتخار د امت په دنیا په عقبا

سرچینه : ګلونه رنګارنګ، شاعر: الحاج راز محمد پوهیار فاریابي

ټیګونه:

له ملگرو سره یي شریک کړئ.

sn_facebook sn_googleplus sn_telegram sn_whatsapp sn_twitter

ستاسې رالېږل شوې لیدلوری به د اندیال وېبپاڼې تر تایید روسته خپرېږي.

هغه پېغامونه نه خپرېږي، چې منځپانګه یې تورونه او کنځل وي.

هڅه وکړئ، په پښتو پېغامونه راواستوئ.