بِسْمِ اللَّهِ الرَّحْمَنِ الرَّحِيمِ د لوراند او لورین الله په نامه غررالحکم،د باب العلم علي کرم الله وجهه د لنډغونډلو زرینو ویناوو پوهنغونډ لیکوال : ستر حدیثپوه «قاضي شیخ ابی الفتح عبدالواحد بن محمد محفوظ بن عبدالواحد آمدی» (۵۱۰ س مړ) پرله پسې ۲ مه برخه ۶۶-ریا او ځانښودنه، (له الله تعالی سره) […]
بِسْمِ اللَّهِ الرَّحْمَنِ الرَّحِيمِ
د لوراند او لورین الله په نامه
غررالحکم،د باب العلم علي کرم الله وجهه د لنډغونډلو زرینو ویناوو پوهنغونډ
لیکوال : ستر حدیثپوه «قاضي شیخ ابی الفتح عبدالواحد بن محمد محفوظ بن عبدالواحد آمدی» (۵۱۰ س مړ)
پرله پسې ۲ مه برخه
۶۶-ریا او ځانښودنه، (له الله تعالی سره) شرک دی.
۶۷-ناپوهي، مرګ دی.
۶۸-ناغېړي، هلاکت دی.
۶۹-هیلې، آفتونه او تباهۍ دي.
۷۰-شیطاني خوندونه، تباه کووني دي.
۷۱-هیلې، بې اتفاقۍ راولاړوي.
۷۲-(له خلکو) نهیلېدل، حریت او ازادي ده.
۷۳-تمه، زیانمنه ده.
۷۴-انصاف کول، کرامت او درونوالی دی.
۷۵-ظالم انسان، پرېوتی او لئیم دی.
۷۶-ښه والی، پیاوړې اډانه ده.
۷۷-ښه بدله، حریت او ازادي ده.
۷۸-زغم، د کار بنسټ دی.
۷۹-بې صبري، هلاکت دی.
۸۰دوستي پالنه، خوشحالي ده.
۸۱-زغم، ښکلا ده.
۸۲-سخا، ښه خوی دی.
۸۳-ځانمني، حماقت دی.
۸۴-حماقت، ناپوهي ده.
۸۵-پوهه، زېرمه ده.
۸۶-عبادت، بریا ده.
۸۷-قناعت، پتمني ده.
۸۸-دین، ښادي ده.
۸۹-(پر الله تعالی او قیامت) ډاډ، (د زړه) رڼا ده.
۹۰-ایمان، خوندیتوب دی.
۹۱-کفر، سرکوزي ده.
۹۲-(د الله تعالی په قضا) خوښي، مړښت او شتمني ده.
۹۳-غوسه، کړاو دی.
۹۴-(پر حق) ډاډمنېدل، بسیاینه ده.
۹۵-بریا، د الله تعالی غوښتنه ده.
۹۶-پاکي، کمال دی.
۹۷-(له الله تعالی) ډار، ژغورنه ده.
۹۸-لاس ته راوړنه، خوشحالي ده.
۹۹-نشتمني، غمونه او خپګانونه دي.
۱۰۰-پور، مریېنه ده.
۱۰۱-د پور ورکړه، ازادي ده.
۱۰۲-رښتیا، ارزښت دی.
۱۰۳-دروغ ویل، رذالت او بدخوی دی.
۱۰۴-نېکچاري، شرافت دی.
۱۰۵-دوستي، نسب دی.
۱۰۶-چوپتیا، هیبت او وقار دی.
۱۰۷-چټیات ویل، ننګ دی.
۱۰۸-اندېښنې او ستونزې، ټپسورۍ راولاړوي.
۱۰۹-سخت ګیري، سپېره ده.
۱۱۰-اند، سمه لارموندنه ده.
۱۱۱-غفلت، لار ورکول دي.
۱۱۲-دنننۍ تقوا، (له حرامو) ډډه کول دي.
۱۱۳-شکمني، اندېښمني راولاړوي.
۱۱۴-د الله تعالی حکم ته غاړه ایښودنه، ژغورنه ده.
۱۱۵-سرغړونه، ورکاوی دی.
۱۱۶-ډار، یو آفت دی.
۱۱۷-کمزوري، بېعقلي ده.
۱۱۸-لټوونکی، موندونکی دی.
۱۱۹-ختاکار، له لاسه ورکوونی دی.
۱۲۰-رښتیا، ژغورنه ده.
۱۲۱-دروغ ویل، ناوړه خوی دی.
۱۲۲-پوهه، عزت دی.
۱۲۳-د الله تعالی اطاعت، پناه ده.
۱۲۴-زغم، ستریا ده.
۱۲۵-بې صبري، د سټې سستي ده.
۱۲۶-زړورتوب، ګاڼه ده.
۱۲۷-ډار، بدرنګي ده.
۱۲۸-سم چلېدل، روغتیا ده.
۱۲۹-تېروتنه، ټپسوري ده.
۱۳۰-بیړه، پښېماني ده.
۱۳۱-روزي، ویشل شوې ده.