بِسْمِ اللَّهِ الرَّحْمَنِ الرَّحِيمِ د لوراند او لورین الله په نامه غررالحکم د باب العلم؛ علي کرم الله وجهه د لنډغونډلو زرینو ویناوو پوهنغونډ لیکوال: قاضي شیخ ابي الفتح عبدالواحد بن محمد محفوظ بن عبدالواحد آمدي پرله پسې ۶مه برخه ۳۲۸-ګونګېتوب، تر دروغو ویلو ښه دی. ۳۲۹-پوهه، د حسب ښکلا ده. ۳۳۰-ادب، غوره حسب دی. […]
بِسْمِ اللَّهِ الرَّحْمَنِ الرَّحِيمِ
د لوراند او لورین الله په نامه
غررالحکم
د باب العلم؛ علي کرم الله وجهه
د لنډغونډلو زرینو ویناوو
پوهنغونډ
لیکوال: قاضي شیخ ابي الفتح عبدالواحد بن محمد محفوظ بن عبدالواحد آمدي
پرله پسې ۶مه برخه
۳۲۸-ګونګېتوب، تر دروغو ویلو ښه دی.
۳۲۹-پوهه، د حسب ښکلا ده.
۳۳۰-ادب، غوره حسب دی.
۳۳۱-دوستي، ډېره نژدې خپلوي ده.
۳۳۲-صدقه، (الله تعالی ته) غوره نژدې والی دی.
۳۳۳-خلک د هغه څه د ښمنان دي، چې پرې نه پوهېږي.
۳۳۴-خلک چې د څه باب یوه خوله وي؛ نو ورته ښه ده.
۳۳۵-پر ژمنه وفا، د نېکانو خوی دی.
۳۳۶-بې پتي، د پرېوتو وګړیو خوی دی.
۳۳۷-کړنې، د هوډونو پایلې دي.
۳۳۸-صدقه، غوره نېکي ده.
۳۳۹-لورنه، د ژغورنې کونجي ده.
۳۴۰-توفیق (بریا)، د وړتیاوو مخکښه ده.
۳۴۱-ورین تندیتوب ړومبۍ نېکي ده.
۳۴۲-تمه، ړومبۍ بدي ده.
۳۴۳-لیک، د زړه د خوالې څرګندوی دی.
۳۴۴-کړنې، د دنننۍ خوالې بېلګه ده.
۳۴۵-وقار، د زغم پایله ده.
۳۴۶-عاجزي، د پوهې مېوه ده.
۳۴۷-عدالت، د حکومت ارزښت دی.
۳۴۸-رښتیا، غوره وینا ده.
۳۴۹-اخلاص، غوره عمل دی.
۳۵۰-کنجوسي، کنځل زېږې ده.
۳۵۱-سخاوت او ورکړه، دوستي کري.
۳۵۲-تمه، غمجنه نشتمني دی.
۳۵۳-(له خلکو) نهیلي، نغده شتمني ده.
۳۵۴-کبر او سرغړونه، ستر کوشنی کوي.
۳۵۵-عاجزي، لوېدلی انسان سرلوړوي.
۳۵۶-مهرباني د رښتیاوو کونجي ده.
۳۵۷-حماقت، د کنځلو کونجي ده.
۳۵۸-هوس، عقلونه له منځه وړي.
۳۵۹-ګیلې، دوستۍ راژوندۍ کوي.
۳۶۰-ډالۍ، مینه راولاړوي.
۳۶۱-مرګ داسې پاسوال دی، چې بې خبره راځي.
۳۶۲-دنیا، ژرتېری سیوری دی.
۳۶۳-مرګ، د آخرت ور دی.
۳۶۴-ځان سینګارول، ظاهري پتمني ده.
۳۶۵-په نصیحت، زړونه ژوندي کېږي.
۳۶۶-له دوست او ملګري سره ناسته، د الله تعالی یاد دی.
۳۶۷-دین، غوره غوښتنه ده.
۳۶۸-عقل، بې سارې دوستي ده.
۳۶۹-هیله، هغه دښمنه ده، چې ورپسې ځې.
۳۷۰- عقلمن د عقلمن ملګری وي.
۳۷۱- ناپوه د ناپوه ملګری وي.
۳۷۲-روغتیا، په یوازېتوب کې ده.
۳۷۳-راحت په زهد او پرهېزګارۍ کې دی.
۳۷۴-سخاوت، همېشنی شخصیت دی.
۳۷۵-انسان د نېکۍ بنده دی.
۳۷۶-زغم، له کړاوونو سره په مبارزې کې دی.
۳۷۷-دبدبه او هیبت له زیان سره یوځای دي.
۳۷۸- کمال په دنیا کې لټوه.
۳۷۹-کینه، خورا ناوړه رنځ دی.
۳۸۰-ورکړه، د پت پاسواله ده.
۳۸۱-منځلاري، لږ ډېروي.
۳۸۲-اسراف او بېځایه لګښت، ډېر لږوي.
۳۸۳-روزګار، د افتونو څاروځی دی.
۳۸۴-شېبې خو عمر لنډوي.
۳۸۵-رښتین، عزتمن او دروند دی.
۳۸۶-دروغجن، خوار دی.
۳۸۷-شرم و حیا، د ټولو نېکیو کونجي ده.
۳۸۸-بېشرمي، بدرنګ سرټکی دی.
۳۸۹-استغفار او بښنه غوښتنه، د ګناهونو له منځه وړوونکې ده.
۳۹۰-(پر ګناه) ټینګار، د ګناهکارانو خوی دی.
۳۹۱-روزګار، عمرونه لوټوي.
۳۹۲-نسپالي، د ځيرکۍ خنډ دی.
۳۹۳-ناوړګوماني، د زړونو ناپاکي ده.
۳۹۴-صبر، د اندېښمنۍ او خپګان ډال دی.