بِسْمِ اللَّهِ الرَّحْمَنِ الرَّحِيمِ غررالحکم د باب العلم؛ علي کرم الله وجهه د لنډغونډلو زرینو ویناوو پوهنغونډ پرله پسې ۹ مه برخه ۵۶۱-ورین تندیتوب، ړومبۍ ګټه ده. ۵۶۲-عفوه د ښېګڼو سرتاج دی. ۵۶۳-نېکي، غوره نعمتونه دي. ۵۶۴-عاجزي، فضایل او ارزښتونه پرېمانوي. ۵۶۵-تکبر، د پستۍ او رذالت ښکارندوی دی. ۵۶۶- پېښې له خطر سره مل دي. ۵۶۷- […]
بِسْمِ اللَّهِ الرَّحْمَنِ الرَّحِيمِ
غررالحکم
د باب العلم؛ علي کرم الله وجهه د لنډغونډلو زرینو ویناوو پوهنغونډ
پرله پسې ۹ مه برخه
۵۶۱-ورین تندیتوب، ړومبۍ ګټه ده.
۵۶۲-عفوه د ښېګڼو سرتاج دی.
۵۶۳-نېکي، غوره نعمتونه دي.
۵۶۴-عاجزي، فضایل او ارزښتونه پرېمانوي.
۵۶۵-تکبر، د پستۍ او رذالت ښکارندوی دی.
۵۶۶- پېښې له خطر سره مل دي.
۵۶۷- مخالفت، څرګنده سرغړونه ده.
۵۶۸-ژبه، د عقل ژباړنه ده.
۵۶۹-پاکي، د سپېڅلتیا پیلامه ده.
۵۷۰-مېلمستیا، د مړانې څوکه ده.
۵۷۱-پاکلمني، غوره پتمني ده.
۵۷۲-کینه، غم زېږې ده.
۵۷۳-بدي، د هلاکت نښه ده.
۵۷۴-صبر، کړاوو او مصیبت اسانوي.
۵۷۵-ادب او ښه چلن؛ نوې ګاڼې دي.
۵۷۶-ژوند، شمېرل شوې ساګانې دي.
۵۷۷-پوهه، د عقل مشال دی.
۵۷۸- سمچاري، مزبوت چار دی.
۵۷۹-(د الله تعالی) معرفت، د زړه رڼا ده.
۵۸۰-توفیق، د پالونکي د پېرزوینو یوه جذبه ده.
۵۸۱-توحید او د الله تعالی پر ایکي یو توب منښته، زړه ژوندی کوي.
۵۸۲-د الله تعالی یاد، د مینې کونجي ده.
۵۸۳-معرفت؛ پاکي او سپېڅلتیا ده.
۵۸۴-شریعت، د ځان روزنه او ریاضت دی.
۵۸۵-توکل، د حکمت کلا ده.
۵۸۶-بریا او توفیق، ړومبی نعمت دی.
۵۸۷-چوپتیا، د اند جنت دی.
۵۸۸-کینه، د بدۍ تخم دی.
۵۸۹-حق، تېره توره ده.
۵۹۰-باطل، ټګیجن غرور دی.
۵۹۱-زهد، ګټوره سوداګري ده.
۵۹۲-ښې چارې، اوچته پرهېزګاري ده.
۵۹۳-دروغ، رسوا کوونکې نیمګړتیا ده.
۵۹۴-ایمان، بریمن ملاتړ دی.
۵۹۵-نېکي، سمونپالي ده.
۵۹۶-ځانمني، د ناپوهۍ دلیل دی.
۵۹۷-قناعت، د تنګلاسۍ مرستندوی دی.
۵۹۸-کینه، د بدیو څوکه ده.
۵۹۹-کبر، خورا ناوړه عیب او نیمګړتیا ده.
۶۰۰-بې پتي، روري له منځه وړي.
۶۰۱-پتمني، د صفا او مینې نښه ده.
۶۰۲-له حق مخ اړوونکی او خاین، یو رنګ دي.
۶۰۳-منځلاري، نیم ژوند دی.
۶۰۴-تدبیر او چاره سنجونه، په ژوند کې نیمه مرسته ده.
۶۰۵-پاکلمني، غوره خوی دی.
۶۰۶-ورکړه، د نعمت کان دی.
۶۰۷-پستي او رذالت، د بدیو بنسټ دی.
۶۰۸-انصاف، د اشرافو خوی دی.
۶۰۹-شرم و حیا، له پاکلمنۍ سره مله ده.
۶۱۰-زړورتوب، نغد عزت دی.
۶۱۱-ډار، ښکاره ذلت دی.
۶۱۲-شتمني، د ګناهکارانو ځواک دی.
۶۱۳-ګناه کول، د کافرانو خوی دی.
۶۱۴-شتمني، د شهوتونو جرړه ده.
۶۱۵-دنیا، د کړاوونو ځای دی.
۶۱۶-شتمني، د هیلو ځواکمني ده.
۶۱۷-مرګ، هیلې تښتوي.
۶۱۸-عقلمن، د کمال په لټه کې دی.
۶۱۹-ناپوه او بې عقله، شتمني غواړي.
۶۲۰-هیله، له ړوندوالي سره ملګرې ده.
۶۲۱-آزار او ځورونه، دښمني راوړي.
۶۲۲- په کړاو پسې سوکالي ده.
۶۲۳-هیلې، د شیطان ښکارځایونه دي.
۶۲۴-عدالت، د واکمن ښوالی دی.
۶۲۵-عفوه، غوره ښېګڼه ده.
۶۲۶-ورکړه، د هرې شونتیا جرړه ده.
۶۲۷-عذر غوښتنه، ګواښنګرې ناصح ده.