بِسْمِ اللَّهِ الرَّحْمَنِ الرَّحِيمِ غررالحکم د باب العلم؛ علي کرم الله وجهه د لنډغونډلو او زرینو ویناوو پوهنغونډ پرله پسې ۱۲ مه برخه ۷۵۸-حرص، ایمان ځپي. ۷۵۹-شک، د ناپوهۍ پایله ده. ۷۶۰-ځانمني، عقل تری تموي. ۷۶۱-اخلاص، د دینوالۍ روستۍ مرتبه ده. ۷۶۲-(د الله تعالی) خوښي، د ډاډ ثمره ده. ۷۶۳-پاکلمني، د ځيرکو خوی دی. ۷۶۴-حرص، د ناپاکانو خوی دی. […]
بِسْمِ اللَّهِ الرَّحْمَنِ الرَّحِيمِ
غررالحکم
د باب العلم؛ علي کرم الله وجهه د لنډغونډلو او زرینو ویناوو پوهنغونډ
پرله پسې ۱۲ مه برخه
۷۵۸-حرص، ایمان ځپي.
۷۵۹-شک، د ناپوهۍ پایله ده.
۷۶۰-ځانمني، عقل تری تموي.
۷۶۱-اخلاص، د دینوالۍ روستۍ مرتبه ده.
۷۶۲-(د الله تعالی) خوښي، د ډاډ ثمره ده.
۷۶۳-پاکلمني، د ځيرکو خوی دی.
۷۶۴-حرص، د ناپاکانو خوی دی.
۷۶۵-پوهه، ستره بریا ده.
۷۶۶-(د الله تعالی) اطاعت، پایښتی عزت دی.
۷۶۷-ځيرک، هغه دی، چې هیلې یې لنډې وي.
۷۶۸-شریف هغه دی، چې غوره چلن او کړنې ولري.
۷۶۹-دوه مخي، د کړنو بدرنګي ده.
۷۷۰-ورین تندیتوب، د دوستانو مینه ډېروي.
۷۷۱-(په دین کې) دوه مخي، د شرک رور دی.
۷۷۲-خیانت، بهتان او تور یوشان دي.
۷۷۳-نفاق (دوه مخي)، د کفر غبرګونې ده.
۷۷۴-غولونه، خورا ناوړه اندنه ده.
۷۷۵-دوه مخي، ایمان ځپي.
۷۷۶-دروغ، انسان ژوبلوي.
۷۷۷-نرمي، د ستریا نښه ده.
۷۷۸-(له خلکو سره) احسان، د ښېګڼو سر دی.
۷۷۹-حق، ځلانده لار ده.
۷۸۰-رښتیا، بریمن دلیل دی.
۷۸۱-دروغ، د سرکوزۍ لامل دی.
۷۸۲-منت، نېکي تباه کوي.
۷۸۳-زهد، د سمونې کونجي ده.
۷۸۴-دنننۍ تقوا (ورع) د ژغورنې مشال دی.
۷۸۵-تقوا، د ښو اخلاقو سرلړ ده.
۷۸۶-د نورو زغمل، د دوستانو پت دی.
۷۸۷-دنننۍ تقوا، غوره ملګرې ده.
۷۸۸-تقوا، مزبوته کلا ده.
۷۸۹-تمه، همېشنۍ بندګي ده.
۷۹۰-(له خلکو) نهیلي، بیاځلي ازادي ده.
۷۹۱-زغم، له کړاوونو پناه ده.
۷۹۲-شکر او منندوینه، د نعمتونو ښکلا ده.
۷۹۳-قناعت، د خوښۍ نښه ده.
۷۹۴-صبر، د بریا ملاتړ دی.
۷۹۵-صبر، د بریا نښه ده.
۷۹۶-صبر، کړاوونه لرې کوي.
۷۹۷-صبر، دښمن ماتوي.
۷۹۸-صبر، د نشتمنۍ پر وړاندې یوه وسله ده.
۷۹۹-صبر، تاوان تمبوي.
۸۰۰-صبر، د هر کار مرستندوی دی.
۸۰۱-صبر، غوره توښه او پناه ده.
۸۰۲-ورکړه، غوره خوشحالي ده.
۸۰۳-عاجزي، د پوهې پایله ده.
۸۰۴-د زغم پایله، د غوسې سړول دي.
۸۰۵-زغم، د ستریا بنسټ دی.
۸۰۶-(د نادودو) زغمل، د سیاست ښکلا ده.
۸۰۷-عفوه، د ځواکمنۍ ښکلا ده.
۸۰۸-عدالت، د واکمنۍ بنسټ دی.
۸۰۹-عفوه، د ستریا لامل دی.
۸۱۰-ورکړه، د ستاینې لامل ده.
۸۱۱-ورکړه، د پېغمبرانو خوی دی.
۸۱۲-دعا، د الله تعالی د دوستانو وسله ده.
۸۱۳-مینه، د ورکړې مېوه ده.
۸۱۴-کنجوسي، دښمني پنځوي.
۸۱۵-کنجوس، تل ذلیل دی.
۸۱۶-کینه کښ، تل رنځور دی.
۸۱۷-احسان، انسان مطیع او ایلوي.
۸۱۸-منت، احسان ځپي.
۸۱۹-ډاډمني، د عقلمنۍ نښه ده.
۸۲۰-مړانه، د ستریا نښه ده.
۸۲۱-کمعقلي، د اخلاقو بدرنګي ده.
۸۲۲-ناپوهي، ناوړه کړنې دي.
۸۲۳-کمعقلي، ژوند تنګوي.