بِسْمِ اللَّهِ الرَّحْمَنِ الرَّحِيمِ غررالحکم د باب العلم؛ علي کرم الله وجهه د لنډغونډلو او زرینو ویناوو پوهنغونډ پرله پسې ۱۳ مه برخه ۸۲۴-پستي، خیانت پنځوي. ۸۲۵- په احتیاط موخې ته ښه رسېدای شې. ۸۲۶-ګناه، د دعا قبلېدو مخه نیسي. ۸۲۷-د مخلص (دعا)، د قبلېدو وړ ده. ۸۲۸-ظلم، د اور لامل دی. ۸۲۹-ظلم، هلاکت پنځوي. ۸۳۰-تقوا خپلول، […]
بِسْمِ اللَّهِ الرَّحْمَنِ الرَّحِيمِ
غررالحکم
د باب العلم؛ علي کرم الله وجهه د لنډغونډلو او زرینو ویناوو پوهنغونډ
پرله پسې ۱۳ مه برخه
۸۲۴-پستي، خیانت پنځوي.
۸۲۵- په احتیاط موخې ته ښه رسېدای شې.
۸۲۶-ګناه، د دعا قبلېدو مخه نیسي.
۸۲۷-د مخلص (دعا)، د قبلېدو وړ ده.
۸۲۸-ظلم، د اور لامل دی.
۸۲۹-ظلم، هلاکت پنځوي.
۸۳۰-تقوا خپلول، د اخرت توښه ده.
۸۳۱-نرمخويي، د درانه خوی نښه ده.
۸۳۲-خوشحالي له نرمۍ سره ده.
۸۳۳-ژغورنه، په رښتیاوو کې ده.
۸۳۴-حرص، غوسه راپاروي.
۸۳۵-لانجمني، د هلاکت نښه ده.
۸۳۶-پر تنګلاسي نیوکه، اخلاقي چار نه دی.
۸۳۷-نرمدریځي روزي زیاتوي.
۸۳۸-ظلم، خورا بدرنګه بدي ده.
۸۳۹-عدالت، ستر فضیلت دی.
۸۴۰-عدالت، د خلکو د پایینې بنسټ دی.
۸۴۱-ظلم، د ولس تباهي ده.
۸۴۲-غوسه، سپکه سورلۍ ده،
۸۴۳-کینه، ژوند تنګوي.
۸۴۴-غفلت، ستر دښمن دی.
۸۴۵-(پر ګناه) ټينګار، خورا ناوړه غوښتنه ده.
۸۴۶-پوهه، غوره پانګه ده.
۸۴۷-عقل، غوره ګاڼه ده.
۸۴۸-عقل، (له ګناه) د ډار لاملېږي.
۸۴۹-ناپوه، غولېږي.
۸۵۰-عقل، د پوهې سورلۍ ده.
۸۵۱-پوهه، د زغم سورلۍ ده.
۸۵۲-پوهه، د ګرسره خېر ښېګڼو جرړه ده.
۸۵۳-ناپوهي، د ټولو بدیو جرړه ده.
۸۵۴-ناپوهي، خورا دردناک رنځ دی.
۸۵۵-هیله، خورا زیانمنه دښمنه ده.
۸۵۶-تقوا، خورا ټينګ بنسټ دی.
۸۵۷- زغم پیاوړی ډال دی.
۸۵۸-رښتیا، (د باطلو) څېروونکی یو حقیقت دی.
۸۵۹-عقل، تېره توره ده.
۸۶۰-ډاډ، شکمني ورکوي.
۸۶۱-ناوړګوماني،(پر الله تعالی) د شرک لاملېږي.
۸۶۲-پوهه، د عقل نښه ده.
۸۶۳-الله پېژندنه، د غوراوۍ دلیل دی.
۸۶۴-پوهه، د معرفت سرچینه ده.
۸۶۵-پاکي او سپېڅلتیا، د پاکلمنۍ نښه ده.
۸۶۶-پوهه، اند رڼا کوي.
۸۶۷-زغم، درجه لوړوي.
۸۶۸-ناپوهي، انسان بدۍ ته ورکاږي.
۸۶۹-د الله تعالی یاد، د زړونو د پراخۍ لامل دی.
۸۷۰-عقل، د هر کار وسله ده.
۸۷۱-پوهه، غوره لارښوده ده.
۸۷۲-حیا و شرم، ښه خوی دي.
۸۷۳- ناوړګوماني رنځ دی.
۸۷۴-تمکار، تل خوار وي.
۸۷۵-پوهه، زغمناک لارښود دی.
۸۷۶-زغم، د پوهې پایله ده.
۸۷۷-(پر الله تعالی) ډاډ، زهد پنځوي.
۸۷۸-نصیحت، دوستي ده.
۸۷۹-پتمني، پر ژمنې وفا ده.
۸۸۰-پوهه، اوچته لارښوونه او ښیون دی.
۸۸۱-رښتیا، درنه خبره ده.
۸۸۲-ناپوهي، اخرت پوپناه کوي.
۸۸۳-ځانمني، د پرېمانۍ خنډ دی.
۸۸۴-ایمان، خورا اوچته موخه ده.
۸۸۵-اخلاص، عزتمنه تړانګه ده.
۸۸۶-پر الله تعالی ډاډ، د دین سټه ده.
۸۸۷-اخلاص، د ډاډ پایله ده.
۸۸۸-(د الله تعالی د مینې) غم، د مؤمنانو سرټکی دی.
۸۸۹-(د الله تعالی د محبت) شوق او مینه، د الله پېژاندو اخلاص دی.