بِسْمِ اللَّهِ الرَّحْمَنِ الرَّحِيمِ غررالحکم د باب العلم؛ علي کرم الله وجهه د لنډغونډلو او زرینو ویناوو پوهنغونډ پرله پسې ۱۰ مه برخه ۶۲۷-عذر غوښتنه، ګواښګرندې ناصح ده. ۶۲۸-(د الله تعالی) اطاعت، ګټوره سوداګري ده. ۶۲۹-حق، غوره لار ده. ۶۳۰-پوهه، ښه لارښوده ده. ۶۳۱-له الله تعالی، ډار د نېکمرغو خوی دی. ۶۳۲-زړګنۍ تقوا، د متقیانو خوی دی. […]
بِسْمِ اللَّهِ الرَّحْمَنِ الرَّحِيمِ
غررالحکم
د باب العلم؛ علي کرم الله وجهه د لنډغونډلو او زرینو ویناوو پوهنغونډ
پرله پسې ۱۰ مه برخه
۶۲۷-عذر غوښتنه، ګواښګرندې ناصح ده.
۶۲۸-(د الله تعالی) اطاعت، ګټوره سوداګري ده.
۶۲۹-حق، غوره لار ده.
۶۳۰-پوهه، ښه لارښوده ده.
۶۳۱-له الله تعالی، ډار د نېکمرغو خوی دی.
۶۳۲-زړګنۍ تقوا، د متقیانو خوی دی.
۶۳۴-مؤمنان، خورا اوچتې هیلې لري.
۶۳۵-ډاډ، د ځيرکو ګاڼه ده.
۶۳۶-اخلاص، دغوره خلکو خوی دی.
۶۳۷-ناپوهي، آخرت له منځه وړي.
۶۳۸-ځانمني، د پرېمانۍ خنډ دی.
۶۳۹-ځانمني، خورا زیانمنه ملګرې ده.
۶۴۰-هیله پټ درد دی.
۶۴۱-د الله تعالی یاد، رڼا او ښیون دی.
۶۴۲- حق هېرول، تورتم او بې لاري ده.
۶۴۳-توکل، غوره کړنه ده.
۶۴۴-پر الله تعالی ډاډمنېدل، پیاوړې هیله ده.
۶۴۵-عفوه، د نېکانو خوی دی.
۶۴۶-احتکار، د ناوړچارو خوی دی.
۶۴۵-ایمان له کینې لرې دی.
۶۴۶-غم، بدن ځپي.
۶۴۷- ظالم دې عذاب ته په تمه وي.
۶۴۸- مظلوم دې ثواب ته په تمه شي.
۶۴۹-پرهېزګاري، پاکه کرنه ده.
۶۵۰-سمچاري، مینه ده.
۶۵۱-په ناپاکۍ پسې خلک خولې راسپړي.
۶۵۲-د الله تعالی اطاعت، د ځيرکو هڅه ده.
۶۵۳-د الله تعالی نه اطاعت، د ناپاکانو هڅه ده.
۶۵۴-د الله تعالی اطاعت، ټینګه کلا ده.
۶۵۵-قناعت، پایښتی عزت دی.
۶۵۶-پوهه، ستره زېرمه ده.
۶۵۷-اخلاص، اوچته بریا ده.
۶۵۸-د الله تعالی نافرماني، د ګناهکارانو کږلېچ دی.
۶۵۹-ټګي، د سرغړاندو خوی دی.
۶۶۰-قانع، له خلکو بې غمه او هوسا دی.
۶۶۱-حریص، د تمو بنده دی.
۶۶۲-حرص، د بدمرغو نښه ده.
۶۶۳-قناعت، د پرهېزګارانو نښه ده.
۶۶۴-له دنیا سره پرېکون، له الله تعالی نښلون دی.
۶۶۵-په هیلو میین، تېروتلی دی.
۶۶۶-هیلې، د احمقانو زېرمې دي.
۶۶۷-هیلې، د احمقانو غولوونکې دي.
۶۶۸-هیلې، د مرګونو نژدې کوونکي دي.
۶۶۹-تمې، تکړه انسانان ذلیلوي.
۶۷۰-ورین تندیتوب، ړومبۍ ورکړه ده.
۶۷۱-لټي، د روح ربړونه ده.
۶۷۲-(له خلکو) نهیلي، د ځان سوکالي او هوساینه ده.
۶۷۳-مرګ، د هیلو رسوا کوونکی دی.
۶۷۴-مرګ، د هیلو لرې کوونکی دی.
۶۷۵-د بشر هیلې، پای نه مومي.
۶۷۶-ناپوه (له ناپوهۍ) نه اوړي.
۶۷۷-ژوندی، نه قانع کېږي.
۶۷۸-کینه، ښې کړنې له منځه وړي.
۶۷۹-ټګي، بدۍ زیاتوي.
۶۸۰-تېرایستل، د پرېوتو خلکو خوی دی.
۶۸۱-شرارت، د ګناهونو مل دی.
۶۸۲-پستي، د غندنو راټولوونکی دی.
۶۸۳-دوستي، ډېر ګټور تړاو دی.
۶۸۴-اند، (انسان) سمې لارې ته ورسیده کوي.
۶۸۵-دوستي، خورا نژدې خپلوي ده.
۶۸۶-عفوه، غوره خوی دی.
۶۸۷-نسپالي، پوهه له منځه وړي.
۶۸۸-ډېرخوري، ذهن پسوي.
۶۸۹-بې صبري، غم زیاتوي.
۶۹۰-زغم، مصیبت سپکوي.
۶۹۱-کمزوري، ناوړه سورلۍ ده.