خدایه موږ ته پاکه برخه د ایمان را مونږ ته علم غوره پوهه د قرآن را پل په پل چې د مقصد منزل ته ورشو محبت د محمدصلی الله عیله و آله وسلم آخر زمان را په تعلیم زمونږه زړونه نوراني کړه په رنجو د امتیاز مو تور چشمان را د دنیا په باغ مو […]
خدایه موږ ته پاکه برخه د ایمان را
مونږ ته علم غوره پوهه د قرآن را
پل په پل چې د مقصد منزل ته ورشو
محبت د محمدصلی الله عیله و آله وسلم آخر زمان را
په تعلیم زمونږه زړونه نوراني کړه
په رنجو د امتیاز مو تور چشمان را
د دنیا په باغ مو کړه خندان ګلونه
خیال په بويي پسې نسیم غوندې پریشان را
د پرو جنبو لعنت زمونږ نه ورک کړه
ښه جذبه د رورولۍ د مسلمان را
اسلامي جهان راغونډ په یو مرکز کړه
نور جهان چې کړې روښان هغه جهان را
ما حمزه ته یثربي باده خاونده
په ښاغلي پیمانه کې د افغان را
له ملگرو سره یي شریک کړئ.
×
ستاسې رالېږل شوې لیدلوری به د اندیال وېبپاڼې تر تایید روسته خپرېږي.
هغه پېغامونه نه خپرېږي، چې منځپانګه یې تورونه او کنځل وي.
هڅه وکړئ، په پښتو پېغامونه راواستوئ.